Kluba 08 eka. 2026

Jaisteko arriskuari aurre egiteko estaldura bat kontratatzeari buruzko azalpena 

Azken orduetan Club Atlético Osasunak kontratatutako kirol-jaitsieraren arriskuari lotutako estaldurari buruz argitaratu diren informazioen aurrean, erakundeak honako argibide hauek eman nahi ditu:

Osasunak estaldura bat kontratatu zuen, kategoria-jaitsieraren ondorio ekonomikoei aurre egiteko, kirol profesionalean eta, bereziki, futbol profesionalean egin ohi den bezala. Klubak 1,2 milioiko estaldura kontratatu zuen jaitsiera kasuan 6 milioi euroko konpentsazioa bermatzeko.

Estaldura hori Howdenekin kontratatu zen, nazioartean ospe handia duen eta kirol-sektorean oso hedatuta dagoen aseguru-konpainiarekin, zeina LaLigako beste klub batzuekin lan egiten duen ohiko moduan eta aspaldidanik.

Howdenek eta LaLigak agiri honekin batera emandako dokumentuek egiaztatzen dutenez, kirol-klubek eta -erakundeek beren jarduerari lotutako kontingentzia ekonomikoetatik babesteko erabili ohi dituzten tresnen parte dira horrelako estaldurak.

Era berean, LaLigak bazekien Club Atlético Osasunak estaldura hori kontratatu zuela, prozesuan zehar kontsulta egin baitzioten.

Estaldura horren kontratazioaren berri eman zitzaion, halaber, Klubeko Kontrol Batzordeko presidenteari, eta batzorde horrek datozen egunetan gai honi eta gaurkotasuneko beste gai batzuei buruz egingo duen txostenaren parte izango da. Gainera, erakundeko auditoreak ere jakinaren gainean jarri zituzten.

Osasunak eragiketa horretan izan zuen parte-hartzea Howdenekin aldi baterako kategoria-jaitsierak eragingo zukeen eragin ekonomikoa partzialki arintzera bideratutako estaldura bat kontratatzera mugatu zen soilik. Beraz, klubak beretzat gordetzen ditu bere interesak eta ospea defendatzeko dituen akzio guztiak.

Howden Ibericaren ziurtagiria eragiketari buruz

LaLigaren ziurtagiria eragiketari buruz

Azken albisteak Guztia ikusi